Мурофиаи сайёри судӣ

Мурофиаҳои сайёр яке аз шаклҳои баррасии парвандаҳо мебошад, ки бо мақсади таъмин намудани дастрасии бештари шаҳрвандон ба адолати судӣ, баланд бардоштани сатҳи огоҳии ҳуқуқӣ ва наздик намудани фаъолияти суд ба ҷомеа гузаронида мешаванд.

Мувофиқи моддаҳои дахлдори қонунгузории Ҷумҳурии Тоҷикистон, мурофиаҳои сайёр дар маҳалҳое баргузор мегарданд, ки барои иштирокчиёни мурофиа ва аҳолии маҳаллӣ дастрасӣ ба бинои суд душвор буда, ё зарурати ошкоро нишон додани аҳамияти қонуният ва адолат вуҷуд дорад.

Гузаронидани мурофиаҳои сайёр имкон медиҳад, ки:

• шаҳрвандон аз наздик бо раванди баррасии парванда шинос шаванд;
• сатҳи эҳтиром ба қонун ва фарҳанги ҳуқуқӣ дар ҷомеа баланд гардад;
• қонуншиканӣ ва вайронкунии ҳуқуқҳо пешгирӣ карда шавад;
• шаффофият ва боз будани фаъолияти суд таъмин гардад.

Суд ҳангоми ташкил ва гузаронидани мурофиаи сайёр бояд тамоми талаботи қонунро риоя намояд, аз ҷумла: таъмини иштироки тарафҳо, риояи принсипҳои ошкоро будан, баробарӣ ва муҳокимаи одилона.

Мурофиаҳои сайёр на танҳо роҳи татбиқи қонун, балки воситаи хуби баланд бардоштани маърифати ҳуқуқии шаҳрвандон низ ба ҳисоб меравад.